De Ministère

Aktualiséiert den

Zesumme mat senge Verwaltungen (ASM, CGPO, CGID, INAP an SNSFP) verfollegt de Ministère fir d'Fonction publique (MFP) d'Zil eng attraktiv an exemplaresch Fonction publique ze fërderen, déi aus effizienten, dynameschen a motivéierten Agente besteet, déi et erméiglechen e qualitativen, innovativen an effiziente Service unzebidden.

De Ministère fir d'Fonction publique huet als Missiounen:

  • Eng effikass Gestioun vun den Agenten am ëffentlechen Déngscht ze ënnerstëtzen;
  • Eng organisatoresch Maturitéit am ëffentlechen Déngscht ze promovéieren;
  • An de Ressources humaines an an der Organisatioun, Methoden auszeschaffen, bei deenen de Client am Mëttelpunkt ass;
  • Ee gesetzleche Kader festzeleeën, deen den Ufuerderunge vun engem kompetenten an attraktiven ëffentlechen Déngscht entsprécht.

De Kompetenzberäich vum Ministère ass am interne Reglement vun der Regierung festgehalen.